Першыя вынікі працы расійска-кітайскай сумеснай лабараторыі па даследаваннях COVID-19 з'явяцца ў 2021 годзе

Расійска-кітайская сумесная лабараторыя па даследаваннях COVID-19 будзе пабудавана да канца года, першыя вынікі яна атрымае ў 2021 годзе. Аб гэтым праінфармаваў навуковы кіраўнік НДІ вакцын і сываратак імя Мечнікава Віталь Звераў.

Паводле яго слоў, згодна з мемарандумам аб узаемаразуменні паміж НДІ вакцын і сываратак ім. Мечнікава і Інстытутам мікрабіялогіі Кітайскай акадэміі навук, бакі плануюць прыступіць да сумеснага даследавання ў такіх галінах, як хваробатворны мікраарганізм, імуналогія і барацьба з COVID-19. Бакі таксама будуць праводзіць сімпозіумы, абмены аспірантамі і маладымі навукоўцамі.

Мемарандум падпісаны 26 жніўня на цырымоніі адкрыцця кітайска-расійскага Года навукова-тэхнічных інавацый і супрацоўніцтва.