У Беларусі 2021 год аб'яўлены Годам народнага адзінства
Прэзідэнт Беларусі Аляксандр Лукашэнка падпісаў указ "Аб абвяшчэнні 2021 года Годам народнага адзінства", паведамляецца на яго сайце.
Рашэнне прынята для кансалідацыі грамадства, згуртавання беларускага народа на аснове ідэй суверэнітэту і незалежнасці краіны, адзначаецца ў заяве.
Савет Міністраў Беларусі сумесна з аблвыканкамамі і Мінскім гарвыканкамам павінен распрацаваць і зацвердзіць рэспубліканскі план мерапрыемстваў па правядзенні Года народнага адзінства, а таксама забяспечыць каардынацыю дзейнасці дзяржаўных органаў, іншых арганізацый па выкананні гэтага плана.