Амерыканскі эксперт: халодная вайна з Кітаем нам не патрэбна

Халодная вайна ЗША з Кітаем можа прынесці пэўныя дывідэнды палітыкам, але не амерыканцам. Пра гэта піша прэзідэнт Універсітэта Куінсі Эндру Бацэвіч у Los Angeles Times.

Пасля заканчэння халоднай вайны з СССР створаны Злучанымі Штатамі «апарат» для яе вядзення ўсё яшчэ працуе. Калі Вашынгтон рыхтаваўся супрацьстаяць Кітаю, гэты апарат атрымаў шансы вярнуцца на галоўныя ролі, гаворыцца ў артыкуле. Такая перспектыва турбуе амерыканцаў, бо да гэтага часу дзеянні, учыненыя ЗША пад кіраўніцтвам стратэгіі часоў халоднай вайны, дорага абыходзіліся краіне.

«Сёння Кітай вырабляе ўсе тавары, якія жадаюць купіць амерыканскія спажыўцы. Кітай з'яўляецца найбуйнейшым трымальнікам амерыканскага доўгу. У Вашынгтоне крытыка на адрас Пекіна можа выклікаць апладысменты, але рэальнасць такая, што ЗША і Кітай залежаць адно ад аднаго не толькі ў эканамічным плане. Новая халодная вайна будзе перашкаджаць суіснаванню і непазбежна прывядзе да ўзмацнення гонкі ўзбраенняў і канфрантацыі паміж ЗША і Кітаем», -- адзначае аўтар артыкула.