Еўропе трэба перагледзець стратэгічную залежнасць ад ЗША - даклад Мюнхенскай канферэнцыі па бяспецы

Стратэгічны цэнтр цяжару ЗША ў цяперашні час перамяшчаецца ў Азіяцка-Ціхаакіянскі рэгіён, у сувязі з чым Еўропе трэба перагледзець сваю ранейшую залежнасць ад ЗША ў плане стратэгіі і бяспекі. Пра гэта гаворыцца ў штогадовым дакладзе па пытаннях бяспекі, які быў апублікаваны 9 чэрвеня арганізатарам Мюнхенскай канферэнцыі па бяспецы.

У дакуменце, які атрымаў назву "Дынамічныя суадносіны - канкурэнцыя і супрацоўніцтва", адзначаецца, што адміністрацыя Джозэфа Байдэна пасля прыходу да ўлады неаднаразова падкрэслівала важнасць міжатлантычных адносін для ЗША, пры гэтым стратэгічны цэнтр цяжару ЗША ўжо перамясціўся ў АЦР. У сувязі з паступовым аддаленнем ЗША ад Еўропы і ператварэннем "сілы Еўропы" ў "рычаг афшорнага балансавання", варта зноўку шукаць агульныя падыходы ў міжатлантычных адносінах.

У дакладзе адзначаецца, што Еўропе ў будучыні спатрэбіцца час на фарміраванне сіл, здольных забяспечыць яе ўласную бяспеку. Варта больш эфектыўна рэагаваць на пытанні бяспекі, звязаныя з Паўночнай Афрыкай, Блізкім Усходам, Усходняй Еўропай і іншымі перыферыйнымі тэрыторыямі.

У дакуменце таксама падкрэсліваецца важнасць шматбаковага супрацоўніцтва ў пытаннях цяперашняй глабальнай барацьбы з эпідэміяй каронавіруса новага тыпу, рэагавання на змяненне клімату, кантролю над узбраеннямі. Заходнія краіны, "канкурыруючы, не могуць выключаць супрацоўніцтва, і супрацоўнічаючы, не могуць выключаць канкурэнцыю" у адносінах з Кітаем, Расіяй і іншымі дзяржавамі.

Кіраўнік Мюнхенскай канферэнцыі па бяспецы Вольфганг Ішынгер на прэс-канферэнцыі з нагоды выхаду дакладу адзначыў, што Еўропа знаходзіцца ў новай сітуацыі. Паводле яго слоў, мінулі часы, калі яна абапіралася на ЗША для забеспячэння ўласнай бяспекі. У сувязі з гэтым Еўропе варта зноўку перагледзець сваю стратэгічную ролю.

Мюнхенская канферэнцыя па бяспецы таксама вядомая як "мюнхенскі Давос у сферы абароны". У лютым гэтага года спецыяльная сесія канферэнцыі прайшла ў рэжыме відэаканферэнцыі па прычыне эпідэміі. Арганізатар таксама разглядае магчымасць правядзення афлайн сустрэчы ў другім паўгоддзі ў выпадку спрыяльнага эпідэміялагічнага становішча.