Па меншай меры пяць чалавек загінулі ва ўзброеным сутыкненні на поўдні сталіцы Лівана
У выніку ўзброенага сутыкнення ў прыбярэжным пасяленьні на поўдні ад сталіцы Лівана ў нядзелю загінулі па меншай меры пяць чалавек, больш за дзесяць іншых атрымалі раненні.
Мясцовыя СМІ паведамляюць, што прыхільнік ліванскай групоўкі "Хезбалах" Алі Шыблі быў забіты ў ноч на суботу на вяселлі ў Хальдзе, паўднёвым прыгарадзе Бейрута. На наступны дзень працэсія на пахаванні А. Шыблі была атакаваная баявікамі каля яго дома. Бакі ўступілі ў перастрэлку з ужываннем кулямётаў і гранатамётаў, у выніку загінулі па меншай меры пяць чалавек, у тым ліку тры члены групоўкі "Хезбалах".
Як паведамляецца, у мінулым годзе ў Хальдзе адбылося сутыкненне паміж шыітамі і сунітамі, у выніку якога загінулі два чалавекі, у тым ліку 15-гадовы падлетак. А. Шыблі быў забіты на вяселлі ў помсту за смерць гэтага падлетка падчас сутыкнення.
Пасля гэтага інцыдэнту прэзідэнт Лівана Мішэль Аун і часовы прэм'ер-міністр Хасан Дзіяб запатрабавалі неадкладна прыняць меры для спынення гвалту і забеспячэння бяспекі насельніцтва. Прызначаны прэм'ер-міністрам Наджыб Мікаці заклікаў мясцовае насельніцтва праяўляць стрыманасць і ўстрымацца ад удзелу ў сутыкненнях і баявых дзеяннях.
У цяперашні час ліванская армія ўзмацніла сваю прысутнасць у Хальдзе.