У ліпені ў Кітаі вырасла вытворчасць батарэй для электрамабіляў
Вытворчасць акумулятарных батарэй для аўтамабіляў на альтэрнатыўных крыніцах энергіі ў Кітаі ў ліпені вырасла на 6,4% у гадавым вылічэнні.
У мінулым месяцы вытворчасць батарэй дасягнула 6,1 ГВт/г, тады як агульны аб'ём вытворчасці за першыя сем месяцаў года ўпаў на 39,8% да 29,6 ГВт/г, вынікае з даных Кітайскага альянсу па інавацыях у галіне аўтамабільных акумулятараў.
У ліпені агульная магутнасць устаноўленых акумулятарных батарэй дасягнула 5 ГВт/г, што на 6,8% вышэй у параўнанні як з аналагічным перыядам мінулага года, так і з папярэднім месяцам.
Аб усталяванні сваіх акумулятарных батарэй на аўтамабілі на альтэрнатыўных крыніцах энергіі ў ліпені паведамілі 45 кампаній-вытворцаў -- на тры менш, чым у чэрвені.
Як паказваюць даныя Кітайскай асацыяцыі аўтавытворцаў, продаж аўтамабіляў на альтэрнатыўных крыніцах энергіі ў Кітаі прадэманстраваў у ліпені значны рост: за мінулы месяц было прададзена 98 тыс. аўтамабіляў, што на 19,3% больш, чым за аналагічны перыяд мінулага года. -0-