У ЗША не выключылі з'яўлення амерыканскай мутацыі каранавіруса

У ЗША з высокай ступенню верагоднасці ўжо з'явілася амерыканская мутацыя каранавіруса новага тыпу. Пра гэта паведамляе CNN са спасылкай на спецыяльную працоўную групу Белага дома па эпідэміі COVID-19.

«Колькасць зафіксаваных выпадкаў інфекцыі гэтай зімой амаль у тры разы большая, чым вясной і летам. Паскоранае распаўсюджанне інфекцыі кажа пра тое, што акрамя брытанскай мутацыі віруса можа існаваць і амерыканская, на 50% больш заразная», паведамляе CNN.

Спецгрупа Белага дома заклікае актыўна супрацьстаяць больш агрэсіўнаму вірусу. Супрацьэпідэмічныя меры ўключаюць у сябе нашэнне маскі, вакцынацыю як мага большай колькасці людзей. Эпідэміялагічная сітуацыя можа хутка пагоршыцца, калі не выконваць мер гігіены і сацыяльнага дыстанцыявання, -- папярэджвае спецгрупа.