Рэжым спынення агню паміж палесцінскімі групоўкамі ў сектары Газа і Ізраілем пачнецца ў 02:00

ХАМАС у чацвер увечары паведаміла, што дасягнула пагаднення з Ізраілем аб спыненні агню, якое ўступіць у сілу ў дзве гадзіны ночы 21 траўня.

Прадстаўнік руху Хазем Касэм пацвердзіў факт дасягнення пагаднення.

20 траўня ўвечары канцылярыя прэм'ер-міністра Ізраіля паведаміла, што Кабінет бяспекі Ізраіля аднагалосна пагадзіўся прыняць дамоўленасць аб спыненні агню, дасягнутую пры пасярэдніцтве Егіпта. Аднак у заяве не згадвалася дата ўступлення пагаднення ў сілу.