ААН споўнілася 76 гадоў
«Адзіны шлях наперад -- гэта салідарнасць», -- пра гэта гаварыў генеральны сакратар ААН Антоніу Гутэрыш у пасланні, прымеркаваным да 76-годдзя арганізацыі. 24-га кастрычніка 1945 года ўступіў у сілу яе Статут. Свята адзначаюць з 1948-га года, а ў 1971-м Генасамблея ААН рэкамендавала ўсім дзяржавам-членам унесці яго ў календары дзяржаўных святаў.
Звычайна ў гэты дзень у штаб-кватэры ААН у Нью-Ёрку ладзяць вялікі канцэрт. Сёлета ён адбыўся 21-га кастрычніка. У канцэрце паказалі запісаныя загадзя відэаролікі.