Alibaba Cloud дапамагае малазійскім фермерам павысіць ураджайнасць дурыяну

20 красавіка на кітайскім востраве Хайнань стартуе штогадовы Бааоскі азіяцкі форум. Навукоўцы, прадпрымальнікі, палітыкі і эксперты цягам двух дзён будуць абмяркоўваць развіццё Азіі, пытанні экалогіі, інавацый і супрацоўніцтва. На форуме ў Баао нараджаюцца такія цікавыя праекты, як напрыклад, супрацоўніцтва малазійскай кампаніі па інтэлектуальным земляробстве з кітайскай Alibaba Cloud.

Малазійская кампанія Regaltech распрацоўвае прадукты для інтэлектуальнага вядзення сельскай гаспадаркі, заснаваныя на хмарных магчымасцях кітайскай Alibaba. Прадстаўнік кампаніі Regaltech Тан Ханьвэй: "Мы тут для таго, каб дапамагчы фермерам павялічыць ураджайнасць і атрымаць больш якасны прадукт, выкарыстоўваючы датчыкі для вымярэння вільготнасці глебы, утрымання пажыўных рэчываў у зямлі, а таксама ўзроўню кіслотнасці і тэмпературы. Кожны датчык падключаны да інтэрнэту і перадае даныя па бесправадной сетцы ў Alibaba Cloud, дзе выбудавана гатовая інфраструктура на базе інтэрнэту рэчаў і вялікіх даных. Мы параўноўваем атрыманыя паказчыкі і праводзім аналітыку".

Малазія стала першым за межамі Кітая фарпостам для электроннай платформы свабоднага гандлю Alibaba. Адгалінаванне кітайскай карпарацыі пад назвай Lazada мае тут свой рэгіянальны цэнтр электроннай лагістыкі.