У штаб-кватэры ШАС у Пекіне прэзентавалі “Стратэгію развіцця Новага Узбекістана”

У штаб-кватэры ШАС у Пекіне адбылася прэзентацыя “Стратэгіі развіцця Новага Узбекістана”. Мерапрыемства наведалі дыпламаты, эксперты і прадпрымальнікі, яго арганізатарамі выступілі пасольства Узбекістана ў КНР, Сакратарыят ШАС і Ташкенцкі інстытут усходазнаўства.

Удзельнікаў мерапрыемства пазнаёмілі з выдадзенай на кітайскай мове кнігай "Стратэгія развіцця Новага Узбекістана на 2022–2026 гады". Генеральны сакратар ШАС Чжан Мін высока ацаніў уклад Узбекістана ў забеспячэнне ўстойлівага развіцця, міру і стабільнасці ў рэгіёне. Ён адзначыў, што мэты і задачы Стратэгіі развіцця Узбекістана адлюстроўваюць імкненне краіны да паглыблення рэформ і паскоранага развіцця. Ён таксама падкрэсліў, што Узбекістан у якасці аднаго з заснавальнікаў ШАС працягвае адыгрываць актыўную ролю ў дзейнасці арганізацыі. Удзельнікі мерапрыемства таксама адзначылі актыўнае развіццё адносін паміж Узбекістанам і Кітаем і падкрэслілі, што гэты працэс адпавядае доўгатэрміновым інтарэсам абодвух бакоў.

Генеральны сакратар ШАС Чжан Мін: "Узбекістан прыняў "Стратэгію развіцця Новага Узбекістана", якая складаецца з сямі напрамкаў. У рамках ШАС Узбекістан вылучае вялікую колькасць актуальных ініцыятыў і прапаноў, якія ўздымаюць імідж краіны на міжнароднай арэне, а таксама садзейнічаюць супрацоўніцтву ў сферах транспартнай узаемазвязанасці, інавацыйнага і лічбавага развіцця, культурнай і народнай дыпламатыі".

Пасол Рэспублікі Узбекістан у КНР Фарход Арзіеў: "Узбекістан і Кітай плённа супрацоўнічаюць у рамках міжнародных і рэгіянальных арганізацый, у прыватнасці ААН і ШАС, мы маем падобныя або блізкія падыходы па актуальных пытаннях міжнароднай павесткі. За мінулыя 30 гадоў адносіны паміж Узбекістанам і Кітаем атрымалі ўстойлівы характар".