105 беларускіх прадпрыемстваў акрэдытавана для працы на кітайскім рынку — пасол Беларусі ў Кітаі Ю. Сянько

2021-02-02 12:37:12
Comment
Share
Share this with Close
Messenger Messenger Pinterest LinkedIn

На сённяшні дзень 105 беларускіх прадпрыемстваў акрэдытавана для працы на кітайскім рынку. За 2020 год дадаткова атрымалі акрэдытацыю яшчэ 12 прадпрыемстваў. Пра гэта распавёў пасол Беларусі ў КНР Юрый Сянько.

Дыпламат адзначыў, што нават на фоне агульнага зніжэння сусветнай эканомікі адносіны Беларусі і Кітая ў эканамічнай сферы захавалі сваю дынаміку са станоўчым сальда. "Хацелася б адзначыць, што гэты поспех стаў магчымым за кошт мяса-малочнай прамысловасці Рэспублікі Беларусь, прадукцыя якой сёння запатрабавана ў Кітаі", — сказаў ён.

Пасол таксама адзначыў значны рост транзітных перавозак праз Рэспубліку Беларусь на шляху Кітай-Еўропа, паказаўшы, што ў 2014 годзе праз Беларусь прайшло каля 40 тыс. кантэйнераў, а ў 2020 годзе — ужо 540 тыс. кантэйнераў.

Ю. Сянько паведаміў, што пры фінансавай падтрымцы кітайскіх банкаў у Беларусі ажыццёўлена і знаходзіцца ў актыўнай стадыі рэалізацыі больш за 30 буйных праектаў рознага плана, сумарны кошт якіх перавышае 8 млрд долараў. Пры гэтым у бліжэйшай перспектыве — разгляд падтрымкі яшчэ некалькіх важных праектаў.

Related stories

ПАДЗЯЛІЦЦА

ПАПУЛЯРНЫЯ