Упершыню кітайскія жанчыны-вайскоўцы ганаровай варты будуць праходзіць па плошчы Цяньаньмэнь у Пекіне падчас ваеннага параду.
Як стала вядома кар. Сіньхуа, удзел у парадзе, які пройдзе на галоўнай плошчы краіны 3 верасня ў гонар 70-годдзя перамогі ў Вайне супраціўлення кітайскага народа японскім захопнікам і ў Другой сусветнай вайне, прыме 51 дзяўчына ў складзе разліку ганаровай варты - па 17 чалавек у трох шэрагах, прадстаўляючы сухапутныя войскі, ваенна-марскія і ваенна-паветраныя сілы.
Іх сярэдні ўзрост - 20 гадоў, рост - 1,78 метра.
У складзе ганаровай варты Народна-вызваленчай арміі Кітая, якая мае ўжо 63-гадовую гісторыю, жанчыны-вайскоўцы з'явіліся зусім нядаўна - у лютым 2014 года. У маі 2014 года дзяўчыны прыступілі да выканання сваіх службовых абавязкаў.