Сі Цзіньпін павіншаваў дзяцей краіны з Міжнародным днём абароны дзяцей
  2020-06-01 11:49:29  cri  [  Паслаць сябру ] [  Раздрукаваць ]    [ шрыфт : A A A ]  

Старшыня КНР Сі Цзіньпін павіншаваў дзяцей усіх нацыянальнасцей краіны з Міжнародным днём абароны дзяцей, які штогод адзначаецца 1 чэрвеня. Сі Цзіньпін заклікаў дзяцей старанна вучыцца, адстойваць свае ідэалы і перакананні, гартаваць сілу волі, цела і дух, каб падрыхтавацца да ажыццяўлення кітайскай мары аб вялікім адраджэнні кітайскай нацыі.

Як адзначыў Сі Цзіньпін, калі кітайскі народ згуртавана змагаўся з каранавірусам, дзеці ўсёй краіны таксама перажывалі асаблівы перыяд. Яны не толькі назіралі за вялікімі подзвігамі кітайскага народа, які разам рухаўся наперад, нягледзячы на цяжкасці, але і рушыўшы ўслед закліку партыі і ўрада падтрымаць барацьбу з эпідэміяй канкрэтнымі дзеяннямі, прадэманстравалі выдатнае маральнае аблічча, дадаў Сі Цзіньпін.

Ён падкрэсліў, што сучасныя кітайскія дзеці не толькі з'яўляюцца відавочцамі ажыццяўлення мэты, вызначанай да стогадовага юбілею КПК, але таксама з'яўляюцца свежай сілай для рэалізацыі мэты, вызначанай да стагоддзя КНР і ператварэння Кітая ў вялікую мадэрнізаваную сацыялістычную краіну.

Сі Цзіньпін заклікаў парткамы, урады ўсіх узроўняў і грамадства клапаціцца пра дзяцей і ствараць спрыяльныя ўмовы для іх росту.

каменціраваць
Міністэрства абароны Кітая правяло ўрачысты прыём з нагоды 92-й гадавіны НВАК
Паездка Лі Кэцяна ва Узбекістан і Тайланд умацуе сувязі і супрацоўніцтва паміж краінамі ШАС і ва Усходняй Азіі
© China Radio International.CRI. All Rights Reserved.
16A Shijingshan Road, Beijing, China. 100040