Кітайскі бок гатовы з краінамі ўздоўж "Пояса і шляху" сумесна карыстацца прасторавай інфармацыяй.
Такія выказванні зрабіў намеснік кіраўніка Дзяржаўнага касмічнага ўпраўлення КНР У Яньхуа на днях на форуме развіцця калідора прасторавай інфармацыі Кітай-АСЕАН у рамках "Пояса і шляху", які адбыўся ў горадзе Наньнін, адміністрацыйным цэнтры Гуансі-Чжуанскага аўтаномнага раёна на поўдні Кітая.
Па словах чыноўніка, арбітальная спадарожнікавая групоўка Кітая ў дадзены момант складае больш за 200 касмічных апаратаў, якія ўключаюць спадарожнікі сувязі, спадарожнікі дыстанцыйнага зандзіравання, навігацыйныя і навуковыя спадарожнікі.
Прасторавая інфармацыя, як нагадаў ён, паскоранымі тэмпамі інтэгруецца з высокімі тэхналогіямі апрацоўкі вялікіх даных, хмарных вылічэнняў і інтэрнэту-рэчаў і стала даступнай для краін АСЕАН.
Арганізатарамі форуму выступілі Дзяржаўнае касмічнае ўпраўленне КНР і адміністрацыя раёна. Мерапрыемства нацэлена на прасоўванне будаўніцтва калідора прасторавай інфармацыі ў краінах АСЕАН і прымянення кітайскіх касмічных тэхналогій і дасягненняў у сферы сацыяльна-эканамічнага развіцця гэтых краін.