19 верасня брытанская аналітычная кампанія Z/Yen Group апублікавала 26-ы рэйтынг «Сусветны індэкс фінансавых цэнтраў», згодна з якім Шанхай трэці раз запар заняў пятую пазіцыю, што кажа аб павышэнні ступені міжнароднага прызнання Шанхая ў якасці сусветнага фінансавага цэнтра.
У рэйтынг увайшло 100 міжнародных фінансавых цэнтраў, у першай дзясятцы -- Нью-Ёрк, Лондан, Сянган, Сінгапур, Шанхай, Токіа, Пекін, Дубай, Шэньчжэнь і Сіднэй. Шанхай саступіў Сінгапуру толькі адзін бал. У сотню лепшых патрапіла шэсць гарадоў кантынентальнага Кітая: Шанхай, Пекін, Шэньчжэнь, Гуанчжоу, Ціндаа і Чэнду.
Аналітыкі мяркуюць, што захаванне за Шанхаем трэці раз запар пятага месца ў рэйтынгу сведчыць аб павышэнні ступені знешняй адкрытасці фінансавай сферы Кітая. Асабліва гэта выявілася з мінулага года, калі ішла паскораная распрацоўка палітыкі знешняй адкрытасці ў фінансавым сектары. Шанхай, дзейнічаючы ў адпаведнасці з сітуацыяй, садзейнічаў новаму раўнду знешняй адкрытасці ў фінансах на больш высокім узроўні. З іншага боку, гэта звязана з бесперапынным паляпшэннем дзелавога асяроддзя Шанхая. Паводле рэйтынгу Шанхай заняў 7-ю пазіцыю ў аспекце «дзелавое асяроддзе». - Р -