У красавіку 2020 года прамыя замежныя інвестыцыі ў Кітай выраслі на 11,8% у гадавым вылічэнні -- да 70,36 млрд юаняў, паведаміла ў чацвер Міністэрства камерцыі КНР.
У краіне распрацаваны шэраг палітычных мер, накіраваных на тое, каб лепшым чынам падтрымаць і абараніць замежных інвестараў. Гэтыя меры спрыялі росту прамых замежных інвестыцый, прычым, гэта павелічэнне таксама звязана з досыць нізкай базай для параўнання, паведамілі ў міністэрстве. У міністэрстве таксама ўказалі на ціск, які аказваецца на стабілізацыю сітуацыі з прыцягненнем замежных інвестыцый, паколькі глабальная эпідэмічная сітуацыя застаецца сур'ёзнай.
У перыяд са студзеня па красавік бягучага года аб'ём прамых замежных інвестыцый у Кітай склаў 286,55 млрд юаняў, скараціўшыся на 6,1% у параўнанні з аналагічным перыядам мінулага года. За названы адрэзак часу прыток інвестыцый у высакатэхналагічныя галіны вырас на 2,7%, пры гэтым у сферах інфармацыйных паслуг і паслуг электроннай камерцыі паказчыкі павялічыліся на 46,9 і 73,8 працэнта адпаведна.
Інвестыцыі з краін АСЕАН і краін уздоўж "Пояса і шляху" выраслі на 13 і 7,9 працэнта адпаведна.
Міністэрства камерцыі краіны паабяцала працягваць аптымізаваць дзелавое асяроддзе з мэтай умацавання ўпэўненасці замежных інвестараў у доўгатэрміновым развіцці свайго бізнесу ў Кітаі. - Р -