Кітай цалкам здольны дасягнуць вызначанай на гэты год мэты выкаранення беднасці, нягледзячы на негатыўны эфект эпідэміі COVID-19. Пра гэта сёння заявіў кіраўнік канцылярыі Кіруючай групы Дзяржсавета КНР па аказанні дапамогі ў развіцці бедных раёнаў Лю Юнфу. Паводле яго слоў, хоць эпідэмія стварыла новыя выклікі, Кітай, дзякуючы калектыўным намаганням, дамогся прагрэсу ў бітве з беднасцю.
На канец красавіка вярнуліся да вытворчай дзейнасці каля 97% вядучых прадпрыемстваў і майстэрняў, якія дапамагаюць змагацца з беднасцю, аднавілася рэалізацыя 82% праектаў дапамогі бедным раёнам.
Лю Юнфу паказаў, што Кітай узмацніў меры падтрымкі, каб дапамагчы працоўным мігрантам уладкавацца на працу дома, дзе яны затрымаліся з-за эпідэміі COVID-19, і не дапусціць іх паўторнага збяднення.
Задачы выкаранення беднасці блізкія да выканання: колькасць маламаёмных скарацілася з 98,99 млн на канец 2012 года да 5,51 млн на канец 2019 года, а колькасць бедных паветаў у 2020 годзе зменшылася да 52.
Лю Юнфу заявіў, што Кітай паскорыць вывядзенне з-за рысы беднасці гэтых 52 паветаў і 1113 вёсак, канцэнтруючыся на задавальненні патрэбаў маламаёмаснага насельніцтва ў абавязковай адукацыі, базавай медыцыне, бяспечным жыллё і пітной вадзе. --0--