9 чэрвеня Міністэрства адукацыі КНР выпусціла цыркуляр, у якім заклікала кітайскіх студэнтаў праяўляць павышаную ўвагу і абачлівасць пры паездках для навучання ў Аўстралію ці пры прыняцці рашэння аб вяртанні ў гэтую краіну для працягу вучобы, а таксама ўлічыць рызыкі, звязаныя з пандэміяй COVID-19 і магчымымі выпадкамі дыскрымінацыі ў дачыненні да людзей азіяцкага паходжання ў гэтай краіне.

У папярэджанні былі падмацаваны рызыкі, звязаныя з міжнароднымі паездкамі і адкрытымі ўніверсітэцкімі кампусамі, паколькі вядучыя аўстралійскія ўніверсітэты плануюць адкрыцца прыкладна ў ліпені, нягледзячы на тое, што распаўсюджванне COVID-19 па ўсім свеце ўсё яшчэ не знаходзіцца пад досыць эфектыўным кантролем.

Акрамя таго, у перыяд пандэміі ў Аўстраліі зафіксаваныя шматлікія выпадкі дыскрымінацыі ў дачыненні да выхадцаў з Азіі, гаворыцца ў папярэджанні. Ведамства папярэдзіла студэнтаў, каб яны цалкам усвядомілі рызыкі і зрабілі разумны выбар.