Лі Кэцян заявіў, што сёлета адзначаюцца 60-гадовая гадавіна Бандунгскай канферэнцыі краін Азіі і Афрыкі, а таксама 60-годдзе стварэння Азіяцка-афрыканскай кансультатыўнай арганізацыі па прававых пытаннях - аднаго з вынікаў дзейнасці Бандунгскай канферэнцыі. Бандунгская канферэнцыя вызначыла 10 прынцыпаў міждзяржаўных адносін, пакінула бясцэнную духоўную спадчыну "адзінства, дружбы і супрацоўніцтва", адыграла важную ролю ў прасоўванні мірнага развіцця ўсяго свету.
Прэм'ер Дзяржсавета КНР адзначыў, што мір і развіццё па-ранейшаму застаюцца эпахальнымі тэмамі для ўсяго свету. У бягучых новых абставінах краіны Азіі і Афрыкі павінны працягваць рэалізоўваць дух Бандунгскай канферэнцыі і сумеснымі намаганнямі прасоўваць мірнае развіццё ўсяго свету і справядлівасць.
Па-першае, неабходна дамагацца больш справядлівай і рацыянальнай міжнароднай палітычнай сістэмы. Па-другое, варта прасоўваць больш адкрытую і ўпарадкаваную сусветную эканоміку. Важна таксама накіроўваць намаганні на забеспячэнне міру і стабільнасці як на міжнародным, так і на рэгіянальным узроўнях. Неабходна сумесна рэагаваць на нетрадыцыйныя выклікі бяспекі ўсяго свету, паглыбляць міжнародныя абмены і супрацоўніцтва ў сферы вяршэнства права. - -0--