Натуральна, з аднаго боку Пекін мне добра знаёмы, а з другога – такі велізарны і так хутка развіваецца, што я заўсёды падчас праекта адкрываў для сябе нешта новае і цікавае. Нават былі тыя месцы ў нашым плане, якія я ніколі не наведваў па пэўных прычынах. Таму з вялікім задавальненнем і цікавасцю на гэты раз я паглядзеў на сталіцу Кітая вачыма падарожніка, чалавека, які прыехаў сюды, а не жыве. І зноў прызнаюся, што атрымаў асалоду ад гэтай паездкі і ад таго, што ўдалося паглядзець і гістарычныя культурныя каштоўнасці, і ў тым ліку, пакантактаваць, паразмаўляць з пекінцамі. Хаця мы, здаецца, на розных мовах гаварым, але людзе вельмі дружалюбныя, адгукаюцца.