У Шэньчжэне ўзаконілі выкарыстанне самакіравальных аўтамабіляў. Гэта першы ў Кітаі эксперымент падобнага роду. Аўтаномныя электракары характарызуюцца прасторным салонам, бяспекай і высокай хуткасцю апрацоўкі дарожнай інфармацыі.
Віцэ-прэзідэнт кампаніі Pony.ai Мо Луі адзначыў: "На сённяшні дзень прабег нашых аўтамабіляў у рэжыме аўтаномнага ваджэння пераваліў за 14 млн кіламетраў. Мы праводзілі выпрабаванні ў Пекіне, Шанхаі, Гуанчжоу і Шэньчжэне. Усё завяршыліся без аварый".
Паводле новых правілаў, аўтаномныя транспартныя сродкі ў Шэньчжэне падзялілі на тры групы: умоўна аўтаматызаваныя, высокааўтаматызаваныя і цалкам аўтаномныя. Першыя два віды павінны мець усё неабходнае абсталяванне, каб у выпадку неабходнасці чалавек узяў кіраванне электракарам у свае рукі. Цалкам аўтаномныя машыны могуць вырашаць усе задачы без дапамогі кіроўцы.
Правілы таксама змяшчаюць дакладныя ўказанні па юрыдычнай адказнасці ў выпадку аварый.
Аўтамабілі пратэсціравалі ў найбуйных гарадах краіны, але іх агульнанацыянальнае выкарыстанне можа зацягнуцца на доўгі час. Зараз эксперты працягваюць удасканальваць тэхналогіі, правілы і інфраструктуру.