Навучэнцы мясцовай сярэдняй школы прадэманстравалі навыкі веславання на бамбукавых ствалах на рацэ ў павеце Жунцзян (прав. Гуйчжоу). Такія самабытныя бамбукавыя каноэ — адзін з колішніх традыцыйных відаў транспарту ў Паднябеснай. Звычайна чалавек стаіць або сядзіць на параўнальна тоўстым бамбукавым ствале, а вяслуе тонкай бамбукавай палкай. Гэты спосаб перамяшчацца па вадзе ў Кітаі яшчэ завуць "водным балетам". У 2009 годзе веславанне на бамбуку унесена ў спіс нематэрыяльнай культурнай спадчыны правінцыі Гуйчжоу. У апошнія гады адміністрацыя павета Жунцзян займаецца папулярызацыяй гэтага віду спорту ў мясцовых школах, і навучэнцы праяўляюць да яго вялікую цікавасць.