У павеце Лун'яа ў правінцыі Хэбэй знойдзена каменная стэла, вырабленая ў 1286 годзе. Яна адносіцца да перыяду праўлення дынастыі Юань (1271-1368 гг.), паведамілі мясцовыя ўлады.

Стэла знойдзена ў вёсцы Гунцзы. Яе вышыня дасягае 152 см, шырыня — 76 см, таўшчыня — 26 см.

На думку археолагаў, на гэтай стэле запісаны заслугі і дабрадзейнасці мясцовай сям'і па прозвішчы Ван.

Запісы апавядаюць пра дзеянні продкаў гэтай сям'і, якія ўсё сваё жыццё займаліся земляробствам. Яны старанна працавалі ў полі і купілі свой уласны дом, праяўлялі сыноўнюю пашану да старэйшых дома і дапамагалі бедным.

Як паведаміў мясцовы эксперт і Го Інцзе, знаходка мае вялікае значэнне для вывучэння гісторыі культуры ў часы дынастыі Юань.