Заахвочванне ўнутранага спажывання і інвестыцый, а таксама забеспячэнне стабільнай занятасці і коштаў стануць асноўнымі макраэканамічнымі задачамі Кітая ў 2023 годзе. Пра гэта заяўлена на пасяджэнні Палітбюро ЦК КПК.
Першачарговая ўвага будзе нададзена ўмацаванню ўпэўненасці ў рынках і пашырэнню ўнутранага спажывання, адзначана па выніках нарады. "Мы павінны засяродзіцца на пашырэнні ўнутранага попыту, выявіць фундаментальную ролю спажывання і ключавую ролю інвестыцый", – гаворыцца ў распаўсюджаным цэнтральнай прэсай камюніке.
Асобная ўвага нанадзена перадачы ініцыятывы развіцця ў рукі ўладаў на месцах, а таксама прыватнага прадпрымальніцтва. "Урады на месцах павінны быць рашучыя ў сваёй палітыцы, бізнес – у сваёй дзейнасці, масы – у сваіх ініцыятывах".
Апроч таго, улады паабяцалі аптымізаваць супрацьэпідэмічныя меры і прыкласці больш намаганняў па прыцягненні і асваенні замежнага капіталу.