Кітайскія і беларускія станкабудаўнікі абмяркоўваюць магчымасць стварэння сумеснага прадпрыемства на тэрыторыі Беларусі. Аб гэтым паведаміў намеснік прэм'ер-міністра Беларусі Пётр Пархомчык у час наведвання буйнога прамысловага выставачнага мерапрыемства ў Мінску, дзе з 4 па 7 красавіка праходзяць міжнародныя экспазіцыі "Металаапрацоўка", "Машынабудаванне", "Зварка і рэзка" і інш.
"У сакавіку ў Беларусь прыязджала дэлегацыя станкабудаўнікоў з КНР. Цяпер мы працуем над тым, каб сумесна з кітайскімі партнёрамі стварыць сучаснае прадпрыемства", -- адзначыў Пархомчык.
"Мы мяркуем пашырыць і кампетэнцыі, і магчымасці нашых прадпрыемстваў. Гэта вельмі важная задача. У нас ёсць рэсурсы і магчымасці выйсці на больш высокі ўзровень, аднак для гэтага патрэбныя станкі і абсталяванне, на якім можна было б вырабляць канкурэнтаздольную прадукцыю", -- падкрэсліў Пархомчык у размове з журналістамі.
Таксама ён адзначыў, што дэлегацыя з беларускіх заводаў рыхтуецца да паездкі ў Кітай для ўдзелу ў 18-й Кітайскай міжнароднай выставе станкоў і машыннага абсталявання ў Пекіне.