Дзяржаўная канцылярыя інтэрнет-інфармацыі КНР апублікавала даклад аб развіцці лічбавізацыі ў краіне. Па статыстыцы ведамства, у мінулым годзе аб'ём лічбавай эканомікі ў Кітаі дасягнуў 50,2 трлн юаняў, павялічыўшыся больш чым на 10% у гадавым параўнанні. Гэта склала амаль 42 працэнты агульнага аб'ёму ВУП краіны.

У дакуменце зазначаецца, што ў Кітаі развіваецца інфраструктура ў сферы лічбавізацыі. Летась па ўсёй краіне працавала больш за 2,3 млн базавых станцый 5G. Колькасць карыстальнікаў паслуг 5G склала 561 мільён – гэта 60% карыстальнікаў свету.