З пачатку бягучага года Кітай паскарае будаўніцтва субсідуемых урадам праектаў арэнднага жылля, каб вырашыць жыллёвыя цяжкасці новых гараджан і моладзі, паведаміла Міністэрства жылля, гарадскога і сельскага будаўніцтва КНР.

За апошнія два гады ў Кітаі пабудавана каля 5,08 млн адзінак такога жылля, агульны аб'ём інвестыцый склаў больш за 520 млрд юаняў. Як заявіла ведамства, гэтая мера дапамагае вырашыць жыллёвыя цяжкасці амаль для 15 млн новых гараджан і маладых людзей.

У будучыні ўлады Кітая прымуць меры для пашырэння прапановы такога жылля, уключаючы заахвочванне мясцовых органаў улады да будаўніцтва даступнага арэнднага жылля ў індустрыяльных парках і вакол станцый сістэмы рэйкавага транспарту, заявіла міністэрства.