Па меры развіцця лічбавай эканомікі ў апошнія гады ў Кітаі актыўна пашыраецца маштаб гнуткай формы занятасці новага тыпу, гаворыцца ў справаздачы, сумесна апублікаванай універсітэтам Цзінань і анлайн-рэкрутынгавай платформай Zhaopin.

Згодна з дакументам, у першым квартале 2023 года доля людзей, занятых на працы па новай гнуткай форме занятасці, з агульнай колькасці нанятых супрацоўнікаў склала 19,1 адсотка.

У першым квартале бягучага года 23,2 адсотка суіскальнікаў шукалі работу гнуткай формы занятасці новага тыпу. Гэты паказчык складаў 18,6 адсотка ў першым квартале 2020 года, гаворыцца ў дакладзе.

Новыя працоўныя месцы з гнуткім графікам працы ўключаюць восем катэгорый: платформавую электронную камерцыю, дастаўку, паслугі бытавога абслугоўвання, асветніцкія паслугі, платформавы стрымінг, а таксама пасаду кіроўцы транспартных сродкаў агульнага карыстання, адзначыў старшыня праўлення Zhaopin Го Шэн.

Такія пасады пераважаюць галоўным чынам у такіх сектарах, як транспарт, лагістыка, складская гаспадарка, культура, сродкі масавай інфармацыі, забавы і спорт. Жанчыны, моладзь і тыя, каму не хапае досведу працы, аддаюць перавагу працы гнуткай формы занятасці новага тыпу, гаворыцца ў дакладзе.

Даследаванне таксама паказала, што гнуткая занятасць новага тыпу забяспечвае больш высокую заработную плату, але ніжэйшы ўзровень сацыяльнага забеспячэння ў параўнанні з традыцыйнай занятасцю.