Па стане на канец студзеня 2024 года валютныя рэзервы Кітая склалі 3,2193 трлн долараў, знізіўшыся на 18,7 млрд долараў у параўнанні з паказчыкам, зарэгістраваным у канцы снежня 2023 года. Пра гэта сведчаць звесткі, апублікаваныя ў сераду Дзяржаўным упраўленнем валютнага кантролю КНР.
Як паведаміла ўпраўленне, зніжэнне аб'ёму валютных рэзерваў у Кітаі ў мінулым месяцы звязана пераважна з такімі фактарамі, як рост індэкса долара і ваганне цэн на сусветныя фінансавыя актывы.
Тым не менш, па заяве старшага аналітыка банка China Minsheng Bank Вэнь Біня, станоўчая тэндэнцыя развіцця кітайскай эканомікі працягвае захоўвацца дзякуючы стабільнай вытворчасці і спажыванню ў святочныя дні, што падтрымлівае валютныя рэзервы Кітая.