Прэм'ер Дзяржсавета КНР Лі Кэцян заявіў, што Кітай мае ўпэўненасць, здольнасці і ўмовы для рэалізацыі асноўных мэт сацыяльна-эканамічнага развіцця ў бягучым годзе.

Выступаючы з праграмнай прамовай на цырымоніі адкрыцця штогадовай нарады Сусветнага эканамічнага форуму "Летні Давос-2014", Лі Кэцян адзначыў, што Кітай працягвае прыкладаць намаганні для ажыццяўлення стабільнага развіцця, прасоўвання рэформ, перабудовы структуры, павышэння ўзроўню жыцця насельніцтва і прадухілення рызык.

У бягучым годзе Кітай ставіць перад сабой мэты: ажыццявіць рост ВУП на ўзроўні 7,5%, утрымаць індэкс спажывецкіх цэн на ўзроўні прыкладна 3,5%, стварыць 10 млн. новых працоўных месцаў і не дапусціць, каб каэфіцыент зарэгістраванага беспрацоўя перавысіў 4,6%. - Р -