На ўсіх, хто бываў у Сучжоу, акрамя аблічча старажытнага горада незабыўнае ўражанне выклікае яго садова-паркавае мастацтва. Нашы продкі так усхвалялі мясцовую прыгажосць: паўднёва-кітайскія сады славяцца на ўсю краіну, а сучжоўскія – самыя прыгожыя на поўдні Кітая.
Гісторыя збудавання паркаў і садоў пачалася ў Кітаі ў 6-м стагоддзі да н.э. падчас панавання князя У. А прыватныя сады закладзены тут у 4-м стагоддзі пры дынастыі Усходняя Цзінь. З тых часоў з пакалення ў пакаленне працягвалася будаўніцтва садоў. Пры дынастыях Мін і Цін (1368-1911 гг.) Сучжоу стаў самым ажыўленым месцам у Кітаі. У той час паўсюль будаваліся прыватныя паркі і сады: і ў горадзе, і ў яго прыгарадах. У перыяд свайго поўнага росквіту Сучжоу меў больш за 200 паркавых ансамбляў. Дзякуючы гэтаму яго пачалі называць таксама «раем на зямлі».