Роля Кітая ў Перамозе над фашызмам і мілітарызмам заслугоўвае самага высокага прызнання. Пра гэта прэзідэнт Казахстана Нурсултан Назарбаеў заявіў у эксклюзіўным інтэрв'ю агенцтву Сіньхуа.
Н. Назарбаеў адзначыў, што "ўклад Кітая ў перамогу ў Другой сусветнай вайне немагчыма пераацаніць". Кітай быў галоўным тэатрам баявых дзеянняў на азіяцкім кантыненце - тут разгортваліся найважнейшыя бітвы, якія прадвызначылі капітуляцыю мілітарысцкай Японіі ў 1945 годзе. Кітайскі народ самааддана змагаўся за будучыню сваёй краіны і выпакутаваў гэтую перамогу. З пачатку баявых дзеянняў у 1937 годзе ахвярамі вайны сталі 35 млн. кітайскіх грамадзян. На палях вайны ў Кітаі было знішчана больш за паўтара мільёна салдат праціўніка.
Па словах прэзідэнта Казахстана, у самыя складаныя гады вайны Кітай не капітуляваў і, працягнуўшы супраціўленне, "скаваў" рукі суперніку, не дапусціўшы яго далейшага ўварвання ў Паўднёвую Азію, Аўстралію. Гэта стала магчымым дзякуючы гераічнай барацьбе кітайскага народа, які плячом да пляча з іншымі народамі цаной велізарных страт абараніў мір і дабрабыт на нашай планеце.