Член пастаяннага камітэта Палітбюро ЦК КПК, намеснік прэм'ера Дзяржсавета КНР Чжан Гаалі ў панядзелак запатрабаваў забяспечыць якасць паветра ў перыяд урачыстасцяў, прысвечаных 70-й гадавіне Перамогі ў Вайне супраціўлення кітайскага народа японскім захопнікам і Другой сусветнай вайне.

Чжан Гаалі раніцай 31 жніўня наведаў пекінскае Упраўленне аховы навакольнага асяроддзя і Упраўленне па справах метэаралогіі КНР, дзе азнаёміўся з працай па прадухіленні і барацьбе з забруджваннем атмасферы ў Перыяд ваеннага парада 3 верасня.

Чжан Гаалі падкрэсліў, што праца па забеспячэнні якасці паветра будзе мець непасрэднае дачыненне да паспяховага правядзення памятных мерапрыемстваў і дзяржаўнага іміджу. Неабходна правесці маніторынг змены якасці паветра ў Пекіне, Цяньцзіне, прав. Хэбэй і прылеглых раёнах і рэалізаваць план па забеспячэнні якасці паветра.