Старшыня КНР Сі Цзіньпін сёння ў дзяржаўнай рэзідэнцыі "Дзяаюйтай" у Пекіне сустрэўся з прэзідэнтам Беларусі Аляксандрам Лукашэнкам.
Сі Цзіньпін павітаў візіт А. Лукашэнка ў Кітай для ўдзелу ў мерапрыемствах з нагоды 70-годдзя перамогі ў Вайне супраціўлення кітайскага народа японскім захопнікам і сусветнай вайне супраць фашызму. Сі Цзіньпін адзначыў, што кітайска-беларускія адносіны ўсёабдымнага стратэгічнага партнёрства зараз паскорана развіваюцца, супрацоўніцтва ва ўсіх сферах усяляк прасоўваецца, бакі аказваюць рашучую ўзаемную падтрымку ў пытаннях, якія тычацца ключавых інтарэсаў адно аднаго. Кітай заўсёды будзе шчырым сябрам і надзейным партнёрам Беларусі. Беларусь з'яўляецца для кітайскага боку важным партнёрам па супрацоўніцтве ў будаўніцтве эканамічнага пояса Шаўковага шляху. Кітайскі бок мае намер на падмурку роўнасці і ўзаемнай выгады садзейнічаць спалучэнню будаўніцтва эканамічнага пояса Шаўковага шляху і Еўразійскага эканамічнага саюза.
А. Лукашэнка адзначыў, што ў сусветнай вайне супраць фашызму кітайскі народ панёс каласальныя ахвяры, праявіў цвёрдасць нацыянальнага духу. Беларусь з'яўляецца шчырым сябрам Кітая. Супрацоўніцтва Беларусі і Кітая ў будаўніцтве прамысловага парку актыўна прасоўваецца. Беларусь мае намер працягваць паглыбленне сяброўскіх адносінаў з Кітаем.