Афіцыйны Пекін супраць таго, каб "невялікая група людзей супрацьзаконнымі і нават гвалтоўнымі метадамі дэстабілізавала сітуацыю ў Сянгане і падрывала супрацоўніцтва і абмены паміж горадам і ўнутранымі раёнамі Кітая".

З такой заявай у сераду на прэс-канферэнцыі ў Доме народных сходаў выступіў афіцыйны прадстаўнік 4-й сесіі Усекітайскага камітэта Народнага палітычнага кансультатыўнага савета Кітая /УК НПКСК/ 12-га склікання Ван Гацін, каментуючы нядаўнія беспарадкі ў сянганскім раёне Ванцзяа /Мангкок/.

Ван Гапін адзначыў, што грамадства Сянгана носіць адкрыты і плюралістычны характар. Прадстаўнікі розных колаў і слаёў прытрымліваюцца розных поглядаў на існуючыя ў Сянгане эканамічныя, палітычныя і сацыяльныя праблемы, і гэта нармальна. Аднак імкненне да развіцця, стабільнасці і гармоніі з'яўляецца агульным жаданнем мясцовых жыхароў і адпавядае карэнным інтарэсам Сянгана.

Па словах Ван Гапіна, за 18 з лішнім гадоў пасля вяртання Сянгана пад юрысдыкцыю КНР тут паспяхова ажыццёўлены курс "адна дзяржава-два лады". Абарона суверэнітэту, бяспекі і інтарэсаў развіцця дзяржавы, падтрыманне доўгатэрміновага росквіту і стабільнасці ў Сянгане - карэнная мэта курса і важны складнік задачы па ажыццяўленні вялікага адраджэння кітайскай нацыі.