У Доме народных сходаў 3-га сакавіка адбылося адкрыццё чацвертай сесіі Усекітайскага камітэта Народнага палітычнага кансультатыўнага савета Кітая /УК НПКСК/ 12-га склікання.
У бліжэйшыя дні больш за 2100 членаў НПКСК будуць актыўна абмяркоўваць праекты палажэнняў 13-га пяцігадовага плана /2016-2020 гг./ і адпаведныя даклады, актыўна выказваць свае прапановы і рабіць уклад ва ўсебаковую пабудову ў Кітаі сярэднезаможнага грамадства і забеспячэнне росквіту кітайскай нацыі.
У прэзідыуме прысутнічалі партыйныя і дзяржаўныя дзеячы, у тым ліку Сі Цзіньпін, Лі Кэцян, Чжан Дэцзян, Лю Юньшань, Ван Цішань і Чжан Гаалі. Яны павіншавалі УК НПСКС з адкрыццем сесіі.
Да ўдзелу ў чацвёртай сесіі УК НПКСК 12-га склікання былі запрошаныя 2214 членаў. На цырымоніі адкрыцця прысутнічалі 2136 членаў. Сход афіцыйна адкрыўся ў 15 гадзін. На сесіі, у першую чаргу, быў абмеркаваны і прыняты парадак дня.
Да ўдзелу ў адкрыцці сесіі былі запрошаны адказныя асобы ЦК КПК, УСНП і Дзяржсавета КНР. Таксама на сходзе прысутнічалі ў якасці назіральнікаў дыпламатычныя прадстаўнікі шэрагу краін у КНР.