Прэм'ер Дзяржсавета КНР Лі Кэцян заявіў, што ў доўгатэрміновай перспектыве праблем з выплатай пенсій у Кітаі не будзе. Такую заяву кіраўнік кітайскага ўрада зрабіў на прэс-канферэнцыі ў Доме народных сходаў пасля закрыцця 4-й сесіі УСНП 12-га склікання.

Паводле яго слоў, збор пенсійных узносаў і выплата пенсій у Кітаі ўваходзяць у абавязкі правінцыйных і муніцыпальных улад. Мясцовыя органы ўлады абавязаны і здольны акумуляваць грашовыя сродкі для выплаты пенсій, і ў выпадку цяжкасцяў з выплатамі цэнтральны ўрад дае субсідыі. На гэтыя мэты за апошнія тры гады з цэнтральнага бюджэту выдзелена больш за 1 трлн. юаняў.

Лі Кэцян адзначыў, што летась у бюджэце пенсійнага фонду Кітая даходы перавысілі расходы на 340 млрд. юаняў, дзякуючы чаму рэшта сродкаў павялічылася да 3,4 трлн. юаняў. Выплата пенсій таксама будзе забяспечана рэзервовым фондам сацыяльнага забеспячэння ў памеры за 1,6 трлн. юаняў і пералікам дзяржаўных актываў у пенсійны фонд.

"Магу з упэўненасцю сказаць, што забеспячэнне догляду за састарэлымі ў Кітаі не можа быць і не будзе пустымі словамі", – падкрэсліў кітайскі прэм'ер. - Р -