Групоўка "Сокалы свабоды Курдыстана" абвясціла аб арганізацыі двух учорашніх выбухаў у найбуйнейшым горадзе Турцыі Стамбуле. Тысячы людзей выйшлі на вуліцы Стамбула з асуджэннем тэрарызму.
Следчыя органы Турцыі пацвердзілі, што спачатку адбыўся выбух каля стадыёна ў раёне Бешыкташ. Асноўнай цэллю былі супрацоўнікі паліцыі, якія павінны былі сачыць за парадкам. Праз 45 секунд смяротнік прывёў у дзеянне выбуховае прыстасаванне ля парка насупраць стадыёна. У выніку двух выбухаў загінулі 38 чалавек, з іх -- 30 паліцэйскіх, яшчэ 155 чалавек пацярпелі, 14 з іх знаходзяцца ў цяжкім стане.
Генконсульства Кітая ў Стамбуле пасля пацверджання інфармацыі ва ўрадзе правінцыі Стамбул паведаміла, што ў выніку выбухаў кітайскія грамадзяне не пацярпелі.