Паліцыя Ізраіля паведаміла, што грузавік наехаў на групу ізраільскіх вайскоўцаў на поўдні Ерусаліма. У выніку загінулі 4 чалавекі, яшчэ 10 атрымалі раненні.
Вадзіцель грузавіка здзейсніў наезд на групу ваенных, якія выходзілі з аўтобуса. Некаторыя з пацярпелых атрымалі цяжкія раненні.
Паводле паведамленняў мясцовых СМІ, паліцыя застрэліла вадзіцеля грузавіка. Яго асоба высвятляецца. Па словах прадстаўніка паліцыі, гэта быў тэракт.