У 2016 годзе пракурорскія органы Кітая правялі расследаванні ў дачыненні да 21 былога чыноўніка на ўзроўні міністэрстваў і вышэй, прад'явілі абвінавачванні 48 былым дзяржслужачым міністэрскага ўзроўню і вышэй. Пра гэта паведамілі ў Вярхоўнай народнай пракуратуры КНР.

У шэраг асоб, у дачыненні да якіх былі праведзены расследаванні, увайшлі былы сакратар камітэта КПК правінцыі Ляанін Ван Мінь, былы начальнік Дзяржаўнага статыстычнага ўпраўлення Ван Бааань, былы намеснік сакратара камітэта КПК горада Пекіна Люй Сівэнь і іншыя.

Сярод асобаў, якім былі прад'яўленыя абвінавачванні, - былы намеснік старшыні Усекітайскага камітэта Народнага палітычнага кансультатыўнага савета Кітая (УК НПКСК) Лін Цзіхуа, былы намеснік старшыні УК НПКСК Су Жун, былы намеснік старшыні Цэнтральнага ваеннага савета Го Басюн, былы намеснік старшыні Камісіі па экалогіі і прыродных рэсурсах- Усекітайскага сходу народных прадстаўнікоў Бай Эньпэй, былы кіраўнік парткама правінцыі Хэбэй Чжоу Бэньшунь і іншыя.