Па запрашэнні Федэральнай рады Швейцарыі старшыня КНР Сі Цзіньпін з 15 па 18 студзеня наведае Швейцарыю з дзяржаўным візітам. Пра гэта заявіў афіцыйны прадстаўнік МЗС КНР Лу Кан.
17 студзеня па запрашэнні заснавальніка і старшыні Сусветнага эканамічнага форума у Давосе Клаўса Шваба кітайскі лідар прыме ўдзел у 47-й штогадовай сесіі СЭФ. 18 студзеня Сі Цзіньпін таксама наведае штаб-кватэру ААН у Жэневе, штаб-кватэры Сусветнай арганізацыі аховы здароўя і Міжнароднага алімпійскага камітэта ў Лазане. Гэтыя візіты адбудуцца па запрашэнні генеральнага сакратара ААН Антоніу Гутэрыша, генеральнага дырэктара СААЗ Маргарэт Чэнь і прэзідэнта МАК Томаса Баха. - Р -