МЗС КНР правяло прэс-канферэнцыю, прысвечаную маючай адбыцца замежнай паездцы старшыні КНР Сі Цзіньпіна.
З 15 па 18 студзеня кітайскі лідар здзейсніць дзяржаўны візіт у Швейцарыю. 17 студзеня ў Давосе ён прыме ўдзел у штогадовай сесіі Сусветнага эканамічнага форуму, а 18 студзеня наведае размешчаныя ў Швейцарыі штаб-кватэры міжнародных арганізацый.
Намеснік міністра замежных спраў КНР Лі Баадун адзначыў, што маючы адбыцца дзяржаўны візіт Сі Цзіньпіна ў Швейцарыю стане першым дзяржвізітам кіраўніка Кітая ў гэту краіну з пачатку новага стагоддзя. Падчас візіту Сі Цзіньпін правядзе перамовы з прэзідэнтам і лідарамі парламента Швейцарыі. Сі Цзіньпін таксама сустрэнецца з прадстаўнікамі эканамічных колаў Швейцарыі. Па выніках візіту паміж дзвюма краінамі будзе падпісаны шэраг пагадненняў аб супрацоўніцтве ў сферах, якія закранаюць палітыку, свабодны гандаль, культуру, узаемадзеянне паміж мытнымі службамі, энергетыку, спорт.
Лі Баадун таксама выказаў упэўненасць, што візіт Сі Цзіньпіна ў Швейцарыю дазволіць узбагаціць змест інавацыйнага стратэгічнага партнёрства паміж дзвюма краінамі, унесці новы ўклад у садзейнічанне кітайска-еўрапейскаму супрацоўніцтву, падтрыманне міру, стабільнасці і развіцця ва ўсім свеце. - Р -