У аэрапорце Гамбурга была выяўлена ўцечка невядомага таксічнага газу, у выніку якой пацярпелі звыш 50 чалавек. Аэрапорт на некаторы час быў зачынены, а таксама прыпынены ўсе авіярэйсы. Зараз аэрапорт працуе ў штатным рэжыме.
Пасля інцыдэнту праўленне аэрапорта распарадзілася аб прыпыненні вылетаў усіх рэйсаў, пасажыры былі эвакуіраваны. Авіярэйсы, што планавалі пасадку ў Гамбургу, перанакіраваны ў іншыя гарады. Зносіны з аэрапортам па аўтамабільных дарогах і метро таксама спыняліся.
Паводле папярэдніх вынікаў расследавання, таксічны газ мог распаўсюджвацца праз сістэму вентыляцыі, аднак канкрэтны склад і крыніца таксічнага газу пакуль не ўстаноўлены. - Р -