Ініцыятыва "Пояс і шлях" належыць не толькі Кітаю, але і ўсяму свету. Яна была вылучана Кітаем, але ўвесь свет мае магчымасць пажынаць плады яе рэалізацыі. Пра гэта заявіў міністр замежных спраў КНР Ван І ў сераду на прэс-канферэнцыі ў рамках штогадовай сесіі УСНП.

Як адзначыў Ван І, прайшло крыху больш за тры гады пасля вылучэння старшынёй КНР Сі Цзіньпінам ініцыятывы "Пояс і шлях", за гэты час міждзяржаўнае супрацоўніцтва ў яе рамках імкліва развіваецца, што робіць ініцыятыву адной з найбольш перспектыўных пляцовак міжнароднага ўзаемадзеяння.

Па словах кіраўніка кітайскага МЗС, дасягнутыя поспехі ў рэалізацыі ініцыятывы "Пояс і шлях" абумоўлены адстойваннем прынцыпу "сумеснага кансультавання, сумеснага будаўніцтва і сумеснага карыстання".

Сёння рэалізацыя ініцыятывы "Пояс і шлях" асабліва важная ва ўмовах распаўсюджвання пратэкцыянізму і ўнілатэралізму, падкрэсліў Ван І.