Старшыня КНР Сі Цзіньпін заклікаў прыкладаць больш намаганняў для прасоўвання прынцыпу кіравання дзяржавай на аснове закона і выхавання высокакваліфікаваных кадраў.
Сі Цзіньпін, які таксама з'яўляецца генеральным сакратаром ЦК КПК і старшынёй ЦВС, зрабіў гэтую заяву падчас наведвання Кітайскага палітыка-юрыдычнага ўніверсітэта напярэдадні Дня моладзі, які адзначаецца ў Кітаі 4 траўня.
Усебаковае прымяненне прынцыпу кіравання дзяржавай на аснове закона з'яўляецца галоўным патрабаваннем і важнай ахоўнай мерай у справе развіцця сацыялізму з кітайскай спецыфікай, сказаў Сі Цзіньпін падчас гутаркі з прафесарамі і студэнтамі. Але гэта будзе немагчыма без высокакваліфікаванай працоўнай сілы, дадаў ён.
Сі Цзіньпін заклікаў юрыдычныя ВНУ краіны ўзмацніць даследаванні важных праблем кіравання дзяржавай на аснове закона і сумежных пытанняў, а таксама забяспечыць тэарэтычную падтрымку сацыялістычнай прававой сістэмы з кітайскай спецыфікай.