Міністар замежных спраў Кітая Ван І і міністр замежных спраў Лівана Гебран Басіл правялі ў Бейруце сумесную сустрэчу з журналістамі. На ёй Ван І выклаў кітайскую пазіцыю па праблеме бежанцаў.
Паводле слоў кіраўніка кітайскай дыпламатыі, зараз праблема бежанцаў на Блізкім Усходзе – вельмі вострая, і краіны, уключаючы Ліван, прыклалі велізарныя намаганні для прыёму сірыйскіх бежанцаў, што адпавядае напрамку міжнародных гуманітарных намаганняў, а таксама з'яўляецца часткай зместу рэзалюцыі СБ ААН па палітычным урэгуляванні сірыйскага крызісу.
Ван І ўказаў, што для ўрэгулявання праблемы бежанцаў неабходна перш за ўсё паскорыць працэс палітычнага вырашэння сірыйскай праблемы і стварыць неабходныя ўмовы для вяртання бежанцаў на радзіму. Хаос і галеча з'яўляюцца галоўнымі прычынамі з'яўлення праблемы бежанцаў. Для канчатковага ўрэгулявання праблемы неабходна прыняць меры па выпраўленні прычын і вынікаў, шляхам развіцця і паляпшэння дабрабыту стварыць неабходнае асяроддзе для пераадолення бежанцамі галечы.
Ён сказаў, што на працягу многіх гадоў кітайскі ўрад аказвае дапамогу краінам, якія прынялі бежанцаў. Кітай гатовы разам з міжнароднай супольнасцю ўсяляк садзейнічаць урэгуляванню важных праблем, аказваць дапамогу ў павышэнні здольнасці процідзейнічаць крызісу краінам, якія прынялі бежанцаў, і прыкладаць намаганні для вяртання бежанцаў на радзіму. - Р -