Кітай пашырыць доступ для замежных інвестараў у вытворчы сектар і сферу паслуг, змякчыць абмежаванні на замежную ўласнасць, а таксама прадаставіць замежным кампаніям роўныя правы з кітайскімі. Пра гэта заявіў у аўторак прэм'ер Дзяржсавета КНР Лі Кэцян падчас выступлення на цырымоніі адкрыцця Сусветнага эканамічнага форуму "Летні Давос" у г. Далянь / прав. Ляанін, Паўночна-Усходні Кітай /.
Кітай будзе прытрымлівацца праактыўнага падыходу ў пытанні знешняй адкрытасці і імкнуцца да стварэння бізнес-асяроддзя, канкурэнтаздольнага на міжнародным узроўні, указаў Лі Кэцян.
Замежныя кампаніі будуць заахвочвацца да выкарыстання прыбытку, атрыманага на кітайскім рынку, для інвеставання ў кітайскую эканоміку, сказаў Лі Кэцян, дадаўшы, што ім будзе дазволена выводзіць прыбытак з Кітая без якіх-небудзь абмежаванняў.
Акрамя гэтага, Кітай заахвочвае стварэнне на тэрыторыі КНР рэгіянальных штаб-кватэр транснацыянальных карпарацый і падтрымлівае інвестыцыйную дзейнасць замежных кампаній у цэнтральных, заходніх і паўночна-ўсходніх раёнах краіны, адзначыў кіраўнік кітайскага ўраду.
Кітайская эканоміка, адрозная устойлівым, доўгатэрміновым ростам і паступовай адкрытасцю, будзе генерыраваць больш магчымасцяў для іншых краін, і Кітай застанецца адным з найбольш інвестыцыйна прывабных рэгіёнаў, адзначыў Лі Кэцян.
У наступныя пяць гадоў Кітай імпартуе тавары агульным коштам 8 трлн дол. ЗША, дадаў ён.
Цяперашні форум, галоўная тэма якога - "Дасягненне інклюзіўны росту ў чацвёртай прамысловай рэвалюцыі", засяродзіць галоўную ўвагу на пытаннях прымянення тэхнічных і палітычных інавацый для паскарэння пераходу да больш інклюзіўнага эканамічнага роста, прыярытэтам якога стане рэальнае працаўладкаванне і ўстойлівае развіццё.
У ім прымае ўдзел каля 1500 палітыкаў, афіцыйных асоб, прадпрымальнікаў, навукоўцаў і прадстаўнікоў СМІ з больш чым 90 краін і рэгіёнаў свету.
Штогадовы форум праводзіцца па чарзе ў Даляне і Цяньцзіне / Паўночны Кітай /, пачынаючы з 2007 г.