У Чанша (правінцыя Хунань, Цэнтральны Кітай) з-за абстаноўкі з дажджамі і паводкамі гарадскі камітэт экстранага рэагавання на стыхійныя бедствы прыняў рашэнне: 2 ліпеня з 17:00 задзейнічаць ва ўсім горадзе экстраны план па барацьбе з паводкамі першага ўзроўню. З пачатку паводак экстраны план па барацьбе з імі ўведзены ў Чанша ўпершыню.
У цяперашні час узровень вады ў рацэ Сянцзян /адзін з найбуйнейшых прытокаў Янцзы/ і яе асноўных прытокаў у раёне Чанша значна перавысіў крытычную адзнаку. 2 ліпеня ў 18:00 узровень вады на рацэ Сянцзян ў Чанша склаў 39,47 метра, што на 3,47 метра вышэй за крытычную адзнаку.