Адкрыццё Міжнароднай канферэнцыі робататэхнікі-2017 адбылося сёння ў кітайскай сталіцы, на ёй прысутнічала і выступіла з прамовай член Палітбюро ЦК КПК, віцэ-прэм'ер Дзяржсавета КНР Лю Яньдун.

Лю Яньдун адзначыла, што краіны свету павінны сумесна ўмацоўваць супрацоўніцтва ў галіне робататэхнікі і інавацый, заахвочваць сумесныя навуковыя даследаванні, сумеснае навучанне персаналу і абмен вынікамі наватарскай дзейнасці.

Галоўная тэма канферэнцыі - "Інавацыі, бізнес, творчасць - насустрач будаўніцтву інтэлектуальнага грамадства". У ёй прынялі ўдзел больш за 140 вядомых робататэхнічных кампаній з усяго свету і даследчых арганізацый.